Ի տարբերություն նկարիչների, որոնք իրավունք ունեն արարել այն, ինչ ցանկանում են, նորաձևության բրենդները ստիպված են ինչ-որ չափով ենթարկվել որոշակի սոցիալական կանոնների: Սակայն Calvin Klein Underwear բրենդը մասամբ դուրս է գալիս նման սահմանափակումների շրջանակից,- գրում է RBK-ն:
Calvin Klein նորաձևության տունը դարձյալ ներկայացրել է 30-վայրկյանանոց գովազդային հոլովակ, որը ցուցադրել են ԱՄՆ ֆուտբոլի ազգային լիգայի խաղի ժամանակ:
Սադրիչ հոլովակը ներկայացնում է Calvin Klein Concept-ի տղամարդկանց ներքնազգեստի հավաքածուն: Տեսահոլովակի վրա աշխատել են Baron + Baron-ի ստեղծագործական տնօրեն Ֆաբիեն Բարոնն ու Calvin Klein-ի գովազդի ու մարքեթինգի բաժինը:
Հոլովակի գլխավոր հերոսը հայտնի մոդել ու նախկին մարզիչ Մեթյու Տերրին է Փենսիլվանիա նահանգից, որն ավելի վաղ մասնակցել է Calvin Klein Underwear ու Calvin Klein Jeans բրենդների արշավին գարուն-2012 սեզոնի ընթացքում:
Calvin Klein-ի գովազդային արշավի նոր կոնցեպցիան մարդն է՝ ընդդեմ մեքենայի: Նոր հավաքածուն ներկայացնում է տղամարդու ներքնազգեստի տեխնոլոգիական մոդելներ:
Բացի դրանից՝ հրապարակվել են նաև Մեթյու Տերրիի մասնակցությամբ լուսանկարներ, որոնց հեղինակը հայտնի լուսանկարիչ Սթիվեն Քլայնն է:
