Keeping Up With The Kardashians հեռուստաշոուի աստղ Քիմ Քարդաշյանը հաստատել է իր իռլանդական ժառանգությունը։ Նա իր արմատների հետքերով գնացել է Իռլանդիա։
Ռեփեր Քանյե Ուեսթի կինը միացել է Who Do You Think You Are? ամերիկյան հեռուստաշոուին՝ ավելին բացահայտելու իր իռլանդական արմատների մասին։
Շոուին մոտ աղբյուրները հաստատել են, որ Քարդաշյանը որոշ ժամանակ աշխատում է շոուի վրա՝ սկսելով իր հետազոտությունն այն ժամանակվանից, երբ անցած տարի մեղրամիսի համար ոտք է դրել Էմերալդ կղզի։
Թեև շատերը հավատացել են, որ նա գնացել է Պորտ Լիշե՝ ֆիլմ դիտելու, սակայն դրա քողի ներքո Քարդաշյանը հանդիպել է պատմաբաններին՝ ավելին իմանալու իր նախատատի մասին։ Այս մասին հայտնում է Goss.ie-ը։
Քարդաշյանի ընտանիքը, ինչպես հայտնել է շոուի ներքին աղբյուրը, Ստրադբալի քաղաքից է: Նրա նախատատի՝ Քիթի Օ՝ Դասիոչթի ընտանիքը անասնապահական ֆերմա է ունեցել, որտեղ աշխատանքի է անցել հայ մարդ։ Աղբյուրը նշում է, որ ըստ արխիվացված փաստաթղթերի՝ նա Իռլանդիա էր եկել անգլերեն սովորելու։ Նշվում է, որ Քիթին նրա հետ Հայաստան է գնացել։
Պարբերականը հաղորդում է, որ Քիմն առաջին անգամ հետաքրրքվել է իր արմատների մասին՝ ավելի բացահայտելով Բարաք Օբամայի հետ Սպիտակ տանը կայացած ընթրիքից հետո։
