Շոտլանդական վիսկիի արտահանման ծավալները 2014 թ. 16 տարում ամենաարագ անկումն են ունեցել: Այս մասին գրում է The Financial Times-ը:
Շոտլանդակքան վիսկիի ասոցիացիայի տվյալներով՝ անցած տարի վիսկիի արտահանման ծավալները նվազել են 7,4%-ով՝ մինչև 3,94 մլրդ ֆունտ ստերլինգ: Դա ամենազգալի նվազումն է 1998 թվականից ի վեր: Նշվում է, որ արտահանման ծավալների անկում նկատվում է երկրորդ տարին անընդմեջ մի քանի տարի աճից հետո:
Ասոցիացիայի ղեկավար Դևիդ Ֆրոսթը կատարվածի համար մեղադրում է արտասահմանում «տնտեսական և քաղաքական գործոնները» և Մեծ Բրիտանիայի հաջորդ կառավարությանը կոչ է արել ձգտել ազատ առևտրի վերաբերյալ համաձայնագրերի կնքման ինդուստրիայի զարգացմանը զարկ տալու համար:
Շոտլանդական վիսկիի ԱՄՆ արտահանման ծավալները 2014 թ. նվազել են 9%-ով՝ մինչև 750 մլն ֆունտ ստերլինգ, իսկ Սինգապուրը այդ խմիչքը ներկրել է 201 մլն ֆունտ ստերլինգի, ինչը 39%-ով պակաս է, քան 2013 թ.: Իսպանիա արտահանումը նվազել է 8%-ով՝ մինչև 166 մլն ֆունտ ստերլինգ, Գերմանիա՝ 18%-ով՝ մինչև 141 մլն ֆունտ ստերլինգ: Դրական շարժ են գրանցել Ֆրանսիան (+2%՝ մինչև 445 մլն ֆունտ ստերլինգ) և Հնդկաստանը (+29%՝ մինչև 89 մլն ֆունտ ստերլինգ):