Փաստաթուղթ է հրապարակվել, որը թույլ չի տալիս Ռոբին Ուիլյամսի մահվանից 25 տարվա ընթացքում օգտագործել նրա կերպարը: Այս մասին է գրում The Hollywood Reporter-ը:
Դերասանի կտակում ասվում է, որ նրա կերպարը մինչև 2039 թ. չի կարող օգտագործվել և ոչ մի ֆիլմում կամ գովազդային հոլովակում: Փաստաթուղթը մանրամասնորեն նկարագրում է սահմանափակումները և բոլոր իրավունքները փոխանցում Windfall Foundation բարեգործական հիմնադրամին, որն էլ հատուկ այդ նպատակով է ստեղծվել:
Այս մանրամասները պարզվել են այն ժամանակ, երբ Ուիլյամսի ընտանիքը մարտի 30-ին հավաքվել է Սան Ֆրանցիսկոյի դատարանում, որպեսզի վերջնականապես լուծի ժառանգության հարցը: Այսպիսով, Ուիլյամսը թեթևացրել է իր հարազատների կյանքը, քանի որ նրանք ստիպված չեն լինի այս հարցի շուրջ էլ բողոքարկել միմյանց իրավունքները:
63-ամյա դերասանն ինքնասպան է եղել 2014 թ. օգոստոսին: Նրա կինը տեղեկացրել է, որ ամուսինն ընկճախտով էր տառապում:
