«Մենք այս բնակարանը չենք լքելու, ինչ ուզում է անեն, ինչ ուզում է դատարանը որոշի»,- «Առաջին լրատվական»-ի հետ զրույցում նշեցին Տերյան 23, 25 շենքերի բնակիչները ՝ հավելելով, որ բոլոր դատական ատյանները կսպառեն և կհասնեն միջազգային ատյաններ, թույլ չեն տա, որպեսզի կառուցապատողն իրենց բնակարանների փոխարեն, գերակա շահով քողարկված, հյուրանոց կառուցի:
«Մարդասիրություն եմ հորդորում: Էգոիստական վերաբերմունք է Մայրապետյանի վերաբերմունքը մեր նկատմամբ, չի մտածում էսքան ժողովուրդ, էսքան տուն իրանց ընտանիքներով ինչ պիտի անեն, թափառական պիտի դառնան, ինչ ա, թե իր գրպանը էլի լցվի, էլ տեղ չկա»,- մեզ հետ զրույցում ասաց Տերյան 25 շենքի բնակչուհի Իրա Պետրոսյանը:
«Մեր քաղաքը» նախաձեռնության անդամ, Տերյան 23 շենքի բնակիչ Վարդան Գերավետյանը «Առաջին լրատվական»-ին ասաց, որ թեև փաստաթղթեր չկան, բայց ակնհայտ է, որ Մայրապետյանի թիկունքին Քոչարյանն է, և կեղծարարությունների շղթան այդտեղից է գալիս: Բացի այդ` շրջանառվում են լուրեր, որ շենքերի իրական գնորդը Քոչարյանի տղան է, սա էլ նշանակում է, որ Ռ. Քոչարյանը ծածուկ շարունակում է քանդել:
Մանրամասները ՝ տեսանյութում
