Իրանն ու Թուրքիան պայմանավորվել են զարգացնել համագործակցությունը հետախուզության և անվտանգության ոլորտում: Այս մասին հայտնում է MIGnews.com-ը:
Անկարանում Իրանի դեսպան Բահման Հուսեյն-պուրը Թուրքիայի ազգային հետախուզական վարչության ղեկավար Հական Ֆիդանի հետ հանդիպման ժամանակ, մատնանշելով անվտանգության մասին երկկողմ համաձայնագիրը, հույս է հայտնել, որ այդ հարաբերությունները կզարգանան նաև հետագայում:
Նա նշել է ընդհանուր սահմանին անվտանգության ապահովման անհրաժեշտությունը, Թեհրանի աջակցությունը փոխանցել Անկարային Քրդստանի աշխատավորական կուսակցության դեմ պայքարում:
Հական Ֆիդանն էլ, իր հերթին երկկողմ հարաբերությունների ընդլայնման ցանկություն է հայտնել:
Կայքը գրում է, թե, հավանաբար, Անկարայում կարծում են, որ Իրանի հետ հետախուզական տվյալների փոխանակությունը կուժեղացնի ՆԱՏՕ-ի բլոկն ու հատկապես կողջունվի ԱՄՆ-ի կողմից:
