Անդրադառնալով Լեռնային Ղարաբաղի հակամարտությանը` Հայ ազգային կոնգրեսի համակարգող Լեւոն Զուրաբյանը նշեց, որ Աստրախանում կայացած հանդիպումից եւ Հայաստանի ու Ադրբեջանի միջեւ ստորագրած հռչակագրից հետո երեւում է, որ միջազգային հանրությունն ամեն ինչ անում է, որպեսզի Աստանայում կայանալիք հանդիպման ժամանակ առաջընթաց արձանագրվի: «Այս պահին ռեժիմը չունի դրան դիմակայելու բանալին»,- ասաց Լեւոն Զուրաբյանը: Նա նշեց, որ վերլուծելով վերջին շրջանի իրադարձությունները՝ եկել է այն համոզման, որ ռեժիմը մեկ ամիս առաջ շատ ավելի ուժեղ էր, քան այսօր: «Ընդամենը մեկ ամսվա մեջ Սերժ Սարգսյանի վարչախմբին հասցված հարվածների պատճառով նա հայտնվել է ահավոր խուճապային վիճակում»,- ասաց նա: