«Մեր Ուկրաինա»-ի քաղխորհուրդը հաստատել է կուսակցությունում Վիկտոր Յուշչենկոյի անդամակցությունը և փոխել է կուսխորհրդի նախագահին: Կուսակցության խորհրդի նախագահ Սերգեյ Բոնդարչուկին փոխելու մասին առաջարկության կողմ են քվեարկել կուսխորհրդի 54 անդամներ, տեղեկացրել է «Մեր Ուկրաինա»-ն: Կուսխորհրդի նախագահի պարտականությունները կկատարի նրա տեղակալ Զինովի Շկուտյակը:
Կուսխորհուրդն անօրինական է ճանաչել «Մեր Ուկրաինա»-ի կիևյան քաղաքային կազմակերպության՝ Յուշչենկոյին կուսակցությունից հեռացնելու մասին որոշումը և ժամանակավորապես դադարեցրել է այն մինչև դրա անդամների վերագրանցումը: Ինչպես նշվում է մամլո ծառայության հաղորդագրության մեջ, Բոնդարչուկի հեռացման հիմքեր են հանդիսանում «կանոնավոր կերպով կուսակցության կանոնակարգի խախտումները, որը արտահայտվում է իր պարտականությունների կատարումից խուսափելու, ընտրական քարոզարշավների ժամանակ ինքնարձակման, կուսակցության խորհրդի նիստեր չհրավիրելու, իսկ նիստերը անտեսելու մեջ»:
Միևնույն ժամանակ «Մեր Ուկրաինա»-ի մամլո ծառայությունը տեղեկացրել է, որ Յուշչենկոյին իր շարքերից հեռացնելու Կիևի քաղաքային կազմակերպության խորհրդի որոշումը «Սերգեյ Բոնդարչուկի վերջնագիրն է հանդիսացել», փոխանցում է УНИАН-ը: