Վրացական Georgiatimes.info կայքի հաղորդմամբ, Դաղստանում սպանվել է Ясная Поляна գյուղի իմամ Մահոմեդ Սայպուլաևը: Այս մասին հայտարարել է Դաղստանի ՆԳՆ մամլո ծառայությունը:
ՆԳՆ աշխատակիցները 63-ամյա Սայպուլաևին գիշերը հայտնաբերել են սեփական տանը գնդակահարված:
Ոստիկանության վարկածով, չարագործները ներթափանցել են նրա տան բակ և պատուհանների միջով ինքնաձիգներից կրակահերթ արձակել տան ուղղությամբ: Ստացված վերքերից էլ իմամը մահացել է:
Ոստիկանության աշխատակիցները դեպքի վայրում հայտնաբերել են 7.62 միլիմետր տրամաչափի 20 պարկուճ և 6 փամփուշտ: Իմամի սպանության համար քրեական գործ է հարուցվել Ռուսաստանի Դաշնության քրեական օրենսգրքի 105-րդ հոդվածի 1-ին կետով (սպանություն) և 222-րդ հոդվածի 1-ին կետով (զենքի ապօրինի կրում):
Ոստիկանությունն իմամի սպանությունը շաղկապում է նրա կրոնական գործունեության և ծայրահեղականների հանդեպ անհաշտ դիրքորոշում ունենալու հետ: Նշվում է, որ նախկինում Սայպուլաևը սպառնալիքներ էր ստացել հանցավոր խմբավորումների կողմից, որոնց գործունեությունը նա քննադատել էր: