Ցեղասպանության առիթով ցուցահանդես Ֆրեզնոյում՝ թղթե քանդակներով, չամչե գերեզմաններով ու անմոռուկներով

Ապրիլի 24-ին կնշվի Հայոց ցեղասպանության 100-րդ տարելիցը։ Ֆրեզնոյի քաղաքային քոլեջի Art Space պատկերասրանը Ֆրեզնոյի բազմաթիվ վայրերից մեկն է, որտեղ միջոցառումներ են անցկացվել և անցկացվելու են՝ ոգեկոչելու Ցեղասպանության զոհերի հիշատակը։ Այս մասին հայտնում է The Rampage Online-ը։

Նկարիչ Ջոյս Կոստանյան Կիերջեկն անցկացնում է Art Hop միջոցառումը։ Հյուրերին մուտքի մոտ դիմավորում է անմոռուկների թումբը։ Հյուրերն ունեն Ցեղասպանությանը զոհ դարձած սիրելիների անունները թղթի վրա գրելու, ծաղկի մեջ տեղավորելու հնարավորություն։

Ցուցահանդեսը կազմված է կախված զոհերի թղթի քանդակներից, ինչպես նաև լուսանկարչական մասից, որը հեղինակել է Փիթեր Կարապետյանը։

Կախված քանդակների ներևում չամչի կույտերից գերեզմաններ են պատրաստվել, որտեղ այցելուները ծաղիկներ են դնում։ Ցուցահանդեսի համար պահանջվել է 937.5 ֆունտ չամիչ։ Ջոյս Կոստանյանի խոսքով՝ կես տոննա չամիչը նշանավորում է 1.5 մլն զոհերին։

Մարտի 5-ին բացված ցուցահանդեսը բաց կլինի մինչև ապրիլի 9-ը։