Բրազիլիայում մեկնարկում է հայտնի կարնավալը: Երկրի ամենախոշոր և գունագեղ տոնը կտևի ավելի քան մեկ շաբաթ: Ուրբաթ Ռիո դե Ժանեյրոյի քաղաքապետ Էդուարդու Պաիսը հանդիսավոր կերպով քաղաքի բանալիները կհանձնի կարնավալի թագավոր Մոմոյին, որն արտացոլում է ծաղրի և պախարակման հունական աստծուն և դրանով իսկ պաշտոնապես կազդարարվի կարնավալի մեկնարկը:
Ինչպես հաղորդում է ITAR-TASS-ը, Ռիո դե Ժանեյրո և Սան Պաուլու քաղաքներում ընթանում են տոնի գլխավոր իրադարձությունները՝ սամբայի դպրոցների մրցութային ելույթներ, որոնք կտևեն մինչև երեքշաբթի առավոտ: Կարնավալի շքերթի արդյունքները ժյուրին կամփոփի չորեքշաբթի: Իսկ փետրվարի 16-17-ին տեղի կունենա հաղթող դպրոցների ցուցադրական ելույթ:
Սալվադորում (Բաիյա նահանգի վարչական կենտրոն) տեղի կունենան երաժշտական համերգներ: Քաղաքով մեկ կշարժվեն բեմահարթակի վերածված ավտոբուսներ, ելույթ կունենան հայտնի երգիչներ և երաժիշտներ:
Ռեսիֆին (Պերնամբուկո նահանգ) հայտնի է իր բազմամարդ կարնավալային շարասյուններով, ասպես կոչված «բլոկներով»: «Առավոտյան աքաղաղ» բլոկը , որին մասնացկում է ավելի քան 1.7 միլիոն մարդ, նույնիսկ գրանցվել է Գինեսի ռեկորդների գրքում:
Հունվարի 27-ին Սանտա Մարիա քաղաքում տեղի ունեցած ողբերգության պատճառով, որտեղ գիշերային ակումբում տեղի ունեցած հրդեհի հետևանքով զոհվել է ավելի քան 230 մարդ, քաղաքում հայտարարված է 30-օրյա սուգ, այդ պատճառով այնտեղ որևէ միջոցառում չի անցկացվելու:
