ԱՄՆ Կինոարվեստի ակադեմիայում այսօր տեղի ժամանակով ժ. 08.00-ին (Երևանի ժամանակով ժ. 20.00-ին) սկսվում է «Օսկարի» եզրափակչի արարողության քվեարկությունը, որի արդյունքում կորոշվի տարվա լավագույն ֆիլմը և կինոյի ամենաակնառու աշխատանքները, որոնք արժանանալու են «Օսկար» մրցանակի, հայտնում է RIA Novosti-ն:
«Օսկարի» ճակատագիրը կորոշեն ակադեմիայի 5,856 հազար անդամները, որոնք ունեն ձայնի հավասար իրավունք: Ավելի վաղ հավակնորդների անունները որոշվում էին հատուկ հարցաթերթիկները հաշվելու միջոցով, որոնք պետք է փոստով ստանար ժյուրին: Այս տարի առաջին անգամ ներմուծվում է տեխնիկական նորարարություն՝ ինտերնետ-քվեարկություն:
Ակադեմիայի անդամների համար պատրասստվել են հատուկ «ընտրատեղամասեր» Լոս ԱՆջելեսում, Նյու Յորքում ու Լոնդոնում: 24 անվանակարգում քվեարկությունը կավարտվի փետրվարի 19-ին:
«Տարվա լավագույն ֆիլմ» անվանակարգում մրցում են Միխայել Հանեկեի «Սերը» (Amour), Քվենտին Տարանտինոյի «Ազատագրված Ջանգոն» (Django Unchained), Սթիվեն Սփիլբերգի կենսագրական «Լինքոլն» ֆիլմերը, (Lincoln), Քեթրին Բիգելուի «Նպատակ թիվ մեկ» (Zero Dark Thirty) դրաման՝ նվիրված Ուսամա բեն Լադենի ոչնչացմանը, Էնգ Լիի «Պիի կյանքը» (Life of Pi) դրաման, Դևիդ Ռասելի «Իմ սիրած տղամարդը խելագար է» դրամատիկական կատակերգությունը (Silver Linings Playbook), Բեն Զայթլինի «Վայրի հարավի գազանները» ֆանտաստիկ դրաման (Beasts of the Southern Wild), Թոմ Հուպերի՝ Վիկտոր Հյուգոյի համանուն վեպի՝ «Թշվառների» էկրանավորումը (Les Miserables):
Ավելի շատ մրցանակ արդեն հավաքել է Բեն Աֆլեքի «Արգո» օպերացիան» (Argo) քաղաքական թրիլերը:
Աշխարհի գլխավոր իրադարձությունը՝ «Օսկար» 85-րդ մրցանակաբաշխությունը, տեղի կունենա փետրվարի 24-ին: Արարողությունը կհեռարձակվի աշխարհի ավելի քան 225 երկրում:
