Ամերիկյան Apple ընկերությունը մտադիր է այս աշնանը գործարկել առցանց TV-ծառայություն։ Այս մասին գրում է The Wall Street Journal-ը՝ հղում անելով աղբյուրներին:
Ինչպես նշվում է, օգտատերերին կառաջարկվի մոտ 25 ալիք այնպիսի արտադրողներից, ինչպիսիք են ABC-ն, CBS-ն ու Fox-ը:
Առկա տեղեկությունների համաձայն՝ Apple-ն արդեն համապատասխան բանակցություններ է վարում Walt Disney-ի, CBS-ի և 21st Century Fox-ի հետ:
Ինչպես հայտարարում են աղբյուրները, համանման քննարկում NBCUniversal-ի հետ դեռ չկա՝ Apple-ի և NBCUniversal-ի գլխամասային ընկերության՝ Comcast Corp.-ի հետ տարաձայնությունների պատճառով:
Նոր ծառայությունը հասանելի կլինի iOS-սարքերին, այդ թվում՝ Apple TV-ին:
Որոշ փորձագետների գնահատականներով՝ ամսական բաժանորդագրության արժեքը կլինի 30-40 դոլար:
