Քեմերոնը հայտարարել է անձնական էլեկտրոնային փոստից օգտվելու մասին

Մեծ Բրիտանիայի վարչապետ Դևիդ Քեմերոնը հայտարարել է, որ բացի ծառայողական պաշտպանված օգտահաշվից՝ օգտվում է նաև անձնական էլեկտրոնային փոստից։ Այս մասին հայտնում է The Telegraph-ը։ Սակայն վարչապետի անձնական փոստը գործածվում է միայն ընկերական շփման համար։

Մեծ Բրիտանիայի կառավարության ղեկավարն անհանգստացած է իր էլեկտրոնային նամակագրության անվտանգության առնչությամբ։ Վարչապետն ունի iPhone՝ մտերիմների հետ շփման համար, և BlackBerry՝ աշխատանքային հարցերի լուծման համար։

Ավելի վաղ հաղորդվել էր, որ Հիլարի Քլինթոնը, գտնվելով պետքարտուղարի պաշտոնում, չնայած արգելքին՝ գործնական նամակագրության համար անձնական փոստն է կիրառել։