Այսօր Երևանում ընթացքող Եվրանեսթ խորհրդարանական վեհաժողովի Տնտեսական ինտեգրման, իրավական մոտարկման և ԵՄ քաղաքականությունների հետ համապատասխանեցման հարցերի հանձնաժողովում Եվրոպական խորհրդարանի քաղաքական բաժնի ներկայացուցիչ Պասկալ դե Միկոն ներկայացրել էր մի ուսումնասիրություն, որտեղ համեմատել էր Խորը և համապարփակ ազատ առևտրի համաձայնագիրը ԵՏՄ-ի պայմանագրի հետ: Հայաստանում տնտեսական իրավիճակը ներկայացնելիս նա ընդգծել էր, որ Հայաստանի դեֆիցիտը 26,2 տոկոս է, «բավականին լուրջ առևտրային դեֆիցիտ է, որը մասամբ վերականգնվում է օտարերկրյա փոխանցումներով, ընդ որում՝ հիմնականում ՌԴ-ից»:
Aravot.am–ի փոխանցմամբ՝ նրա հետ կռիվ տվեց և չհամաձայնեց ԱԺ պատռգամավոր Հրանտ Բագրատյանը: Նրա խոսքերով՝ «Առևտրային լուրջ դեֆիցիտ կա, բայց դա արհեստական դեֆիցիտ է, Հայաստանն աշխատուժ է արտահանում, որը ՀՆԱ-ի հաշվարկի շփոթություն է առաջացնում: ՀԲ-ի թվերին, երբ անդրադառնում եք, զգույշ եղեք, որովհետև աշխարհում դեֆիցիտի հաշվեկշիռը հավասարակշռված չէ եկամտի բալանսին, հավասարակշռված և բացարձակ չեն այդ թվերը: Պետք է մեր ՀՆԱ-ի վրա հաշվվի, դա արտահանում է, մեր արտադրանքն է և այդպես էլ պետք է լինի: Հայաստանի ՀՆԱ-ն շեղված է 26 տոկոսով: 6 տոկոսի տարբերություն կա վիճակագրական ցուցանիծշների մեջ աշխարհի մակարդակով, և այդ 6 տոկոսը թե ում միջև է բաշխվում՝ հարց է»:
Մանրամասները՝ սկզբնաղբյուր կայքում