Լոնդոնի «Չելսի»-ի գլխավոր մարզիչ Ժոզե Մոուրինյոն նշել է, թե ինչն է իրեն «յուրահատուկ» դարձնում և իրեն համեմատել այլ մարզիչների հետ:
«Ինձ համար հաճելի է, երբ համեմատում են այլ մարզիչների հետ: Կան ընդամենը մի քանի մարզիչներ, որոնք հաջողության հասնելու առումով կարող են համեմատվել ինձ հետ: Իմ և մյուս մարզիչների միջև մեծ տարբերություն կա:
Հարգում եմ բոլորին ու յուրաքանչյուրին, բայց Պրեմիեր լիգայի մարզիչներից ո՞վ է կարիերայում Չեմպիոնների լիգայի գավաթ նվաճել` ես ու Լուի վան Գալը: Ո՞վ է երկրի չեմպիոնի տիտղոսը նվաճել կրկնակի` ես ու Արսեն Վենգերը:
Ո՞վ է Անգլիայում նվաճել բոլոր տիտղոսները` Անգլիայի սուպերգավաթը, գավաթը, լիգայի գավաթը, Պրեմիեր լիգան, ո՞վ է Եվրոպայում 7 անգամ առաջնության չեմպիոն դարձել, ո՞վ է 2 անգամ չեմպիոնների լիգայում հաղթել` Կարլո Անչելոտին` 3 անգամ, Գվարդիոլան, Վան Գալն ու ես` 2:
Մարդիկ չափազանց շատ են անհանգստանում իմ մասին: Նրանք չգիտեն` ինչն է ինձ համար երջանկություն համարվում: Ինձ յուրահատուկ է դարձնում այն, որ ես վեր եմ այս ամենից: Կարծում եք` անհագստացնու՞մ ա այն հիմարությունը, ինչ գրում են իմ մասին մամուլում. դա այդպես չէ»,- հայտարարել է Մոուրինյոն:
