Դեռահասության տարիներին մարիխուանայի օգտագործումը կարող է հասուն տարիքում հիշողության հետ կապված խնդիրներ առաջացնել, հայտարարում են նարկոլոգները Hippocampus ամսագրում հրապարակված հոդվածում:
«Մեր հիշողության կենտրոնի այն հատվածները, որոնց վրա ազդում է մարիխուանան, վերաբերում են ուղեղի այն շրջաններին, որոնք մենք օգտագործում ենք առօրյա խնդիրների լուծման և սոցիալական կապերի հաստատման համար»,-հայտարարում են հոդվածի հեղինակները:
Գիտնականները երեք տարի շարունակ փորձեր են կատարել մարիխուանայի ավելի քան 100 սիրահարների մասնակցությամբ: Նրանք բոլորը սկսել են մարիխուանա օգտագործել դեռահասության տարիքում՝ 16-17 տարեկանում, և դադարեցրել են օգտագործել ուսումնասիրությունը սկսելուց երկու տարի առաջ:
Փորձի արդյունքները ցույց են տվել, որ մարիխուանայի սիրահարները 18 տոկոսով ավելի վատ են հիշում պատմվածքների մանր դետալները և հիշողության մեջ այդ խանգարումները կապված են ուղեղի համապատասխան հատվածի դեֆորմացման հետ:
Ուսումնասիրությունը ցույց է տվել նաև, որ օգտագործված թմրայութի քանակից է կախված խանգարումների ծավալը:
