Ֆլորիդա նահանգից ձկնորս Մեթ Փեմբերթոնը որսացել է 270 կգ-անոց մակո-շնաձուկ՝ հայտնում է UPI-ն: Նշվում է, որ ձուկը մոտ կես ժամ դիմադրել է:
Փեմբերթոնը ու նրա ընկերները կարթով ձուկ էին որսում Պանամա Սիթի-Բիչ քաղաքի լողափին, և ահա, ինչ-որ պահի տղամարդը զգացել է, որ կեռիկին ինչ-որ մեծ բան է ընկել: Շնաձկանը ջրից հանելու համար Փեմբերթոնը ստիպված է եղել օգնություն խնդրել այլ ձկնորսներից:
Ձկան երկարությունը մոտ 3 մետր է: Թե ինչու է ձուկն այդքան մոտեցել ափին՝ հայտնի չէ:
Ձկնորսությունից հետո ամերիկացին Facebook-ում հրապարակել է որսի լուսանկարները: «Մոտակա ժամանակներս մենք համեղ կսնվենք»,- գրել է նա մեկնաբանությունում:
Պարբերականը նշում է, որ մակո-շնաձկների միջին երկարությունը կազմում է 3.2 մետր, զանգվածը՝ 60-135 կգ: