Իրանում ձերբակալվել է երկրի սոցիալական ապահովության հասարակական կազմակերպության նախկին ղեկավար Սայիդ Մորտազավին: Այս մասին հայտնում է IRNA գործակալությունը՝ հղում անելով Թեհրանի դատախազության պաշտոնական կայքին: Կայքը Մորտազավիի ձերբակալության մասին այլ մանրամասներ չի հաղորդում:
Իրանի նախագահ Մահմուդ Ահմադինեժադը օրերս մեղադրել էր խորհրդարանի խոսնակ Ալի Լարիջանիի ընտանիքին կոռուպցիայի մեջ՝ օրեսդիրներին ներկայացնելով նույնիսկ կոռուպցիոն բնույթի մեղադրանքները հաստատող ձայնագրություն՝ Լարիջանիի եղբյարներից մեկի մասնակցությամբ: Ահմադինեժադի ելույթն ուղղված էր աշխատանքի նախարարի պաշտպանությանը, որի դեմ իմփիչմենթ է հայտարարվել:
Լարիջանիի գլխավորությամբ կիրակի խոհրդարանը կողմ է քվեարկել աշխատանքի նախարար Աբդուառեզա Շեյխոլեսլամի պաշտոնանակությանը: Պատճառը եղել է վերջինիս որոշումը՝ բանտակյալների մահվան մեջ մեղադրվող նախկին դատախազ Մորտազավիին նոր աշխատանքի նշանակելու վերաբերյալ:
Իրանի նախագահի խոսքով՝ Ֆազել Լարիջանին ասել է Մորտազավիին, որ ինքը կարող է խոչընդոտները վերացնելու համար օգտագործել իր եղբայրների ազդեցությունը՝ որոշ բիզնես նախագծերում մասնակցության դիմաց: