Իրանի ԱԳՆ ղեկավար Մոհամադ Ջավադ Զարիֆը հայտարարել է, որ Իրանը մտադիր չէ ստեղծել միջուկային զենք: Այս մասին նախարարը հայտարարել է NBC News հեռուստաալիքին տված հարցազրույցում:
«Մենք չենք ցանկանում ստեղծել միջուկային զենք և չենք կարծում, որ դա կապահովի անվտանգություն, համենայնդեպս՝ մեզ համար»,- ասել է Զարիֆը:
Նա նաև հավելել է, որ Իրանի ներկայացուցիչները պատրաստ են ամբողջ օրն աշխատել՝ ձեռք բերելու համար Իրանի միջուկային ծրագրի շուրջ համաձայնություն: Զարիֆը նաև վստահեցրել է, որ բանակցությունների մասնակիցները մոտ են համաձայնության ձեռք բերմանը:
