ԵՄ-ն, Դանիան և Մեծ Բրիտանիան պատրաստ են ընդհանուր ավելի քան 40 մլն դոլար հատկացնել ՄԱԿ-ի հումանիտար արձագանքման ծրագրին Ուկրաինայի արևելքի համար: Այս մասին հայտնում է Ria Novosti-ն՝ հղում անելով ՄԱԿ-ի Հումանիտար հարցերի կոորդինացիայի վարչության երկուշաբթի օրը հրապարակված զեկույցին:
Փետրվարի 24-ին ՄԱԿ-ը ներկայացրեց Ուկրաինային հումանիտար օգնության 2015 թ. նորացված ծրագիրը, որը հաշվարկված է 3,2 մլն մարդու համար և գնահատվում է 316 մլն դոլար:
Զեկույցում նշվում է, որ Մեծ Բրիտանիան հայտարարել է մոտ 25 մլն դոլար հատկացնելու մասին, ԵՄ-ն մոտ 16,5 մլն դոլար կտրամադրի, Դանիան՝ մոտ 1,4 մլն դոլար:
Զեկույցում նշվում է բարդ հումանիտար իրավիճակը Դոնեցկում: «Դոնեցկում բունկերներում մարդկանց չեն հերիքում խմելու ջուրը, մաքրող միջոցներն ու հիգիենիկ պարագաները: Արևելքում որոշ վայրերում մինչև հիմա ջրի հասանելիություն չկա»,- նշվում է զեկույցում:
