Ադրբեջանական SalamNews.org կայքի փոխանցմամբ, ֆրանսիացի սենատոր Նատալի Գուլեն, մասնակցելով Բաքվում մեկնարկած Միջմշակութային երկխոսության համաշխարհային ֆորումի աշխատանքներին, անդրադարձ է կատարել ղարաբաղյան հիմնախնդրի կարգավորմանը.
«Ֆրանսիան հանդիսանում է ԵԱՀԿ Մինսկի երեք համանախագահ երկրներից մեկը և ակտիվ ջանքեր է գործադրում ղարաբաղյան հակամարտության կարգավորման շուրջ: Այնուամենայնիվ, այդ ուղղությամբ տարվող բանակցությունները դեռևս արդյունավետ չեն: Դրա համար էլ ես չեմ կարծում, թե ղարաբաղյան հակամարտությունը կկարգավորվի մոտ ապագայում:
Մյուս կողմից էլ այդ խնդիրը պետք է բերվի համաշխարհային օրակարգ` որպես հիմնական խնդիրներից մեկը: Այսօր բոլորի ուշադրությունը գամված է աշխարհում տեղի ունեցող մի շարք իրադարձությունների վրա: Դրանց թվում է նաև ղարաբաղյան հակամարտությունը:
Չնայած այդ խնդրի կարգավորման համար դեռ կպահանջվի որոշակի ժամանակ` մենք ջանքեր չենք խնայելու այդ ուղղությամբ»:
