ԱԺ ԲՀԿ խմբակցության պատգամավոր Միքայել Մելքումյանն այսօր ԱԺ-ում խուսափեց պատասխանել մեր հարցերին՝ նշելով. «Ասում եմ՝ մինչև համագումար չենք խոսում, եթե կարճ, ապա ակնկալիքներն այն են, որ ինչ-որ գործընթացներ են գնացել, հիմա քննարկումներ են գնում՝ նոր ստեղծված իրավիճակում մեր, իհարկե, ծրագրային դրույթները պահպանելու կեցվածքով համարժեք առաջ շարժվելու քննարկումներ»:
Հարցին՝ չի՞ պատրաստվում արդյոք լքել կուսակցությունը ԲՀԿ-ական մյուս պատգամավորների օրինակով, Միքայել Մելքումյանը պատասխանեց. «Ես հավատարիմ եմ իմ կուսակցությանը և գաղափարին, ես այս կուսակցության 10 հիմնադիրներից մեկն եմ»:
Մեր դիտարկմանը, որ գրեթե տասը տարվա կուսակցությունը իշխանությունը մեկ գիշերում կարողացավ չեզոքացնել, Միքայել Մելքումյանը ասաց. «Գնացինք»՝ շտապելով հեռանալ:
Հիշեցնենք, որ ԱԺ քառօրյային ԲՀԿ խմբակցության քարտուղար Նաիրա Զոհրաբյանը հայտարարեց, որ բոյկոտում են քառօրյան՝ հաշվի առնելով Հայաստանում ստեղծված աննախադեպ քաղաքական իրավիճակը: