Ադրբեջանական SalamNews.org կայքի փոխանցմամբ, Ադրբեջանի պաշտպանության նախարար Սաֆար Աբիևն այսօր պաշտոնական այցով մեկնել է Թուրքիա: Աբիևին Թուրքիա այցելելու հրավեր է ուղարկել Թուրքիայի պաշտպանության նախարար Մեհմեդ Վեջդի Գյոնյուլը:
Նշվում է, որ Թուրքիայի և Ադրբեջանի պաշտպանության նախարարները քննարկելու են երկու երկրների միջև ռազմական ու ռազմատեխնիկական հարցերի շուրջ համագործակցության, ինչպես նաև տարածաշրջանային անվտանգության հետ կապված մի շարք խնդիրներ:
Պլանավորված է, որ Աբիևը Թուրքիայում հանդիպումներ է ունենալու թուրք պաշտոնատար անձանց հետ:
Հիշեցնենք, որ մարտի 10-ին թուրքական խորհրդարանը վավերացրեց 2010 թվականի օգոստոսի 16-ին կնքված և դեկտեմբերի 22-ին Ադրբեջանի խորհրդարանի կողմից վավերացված թուրք-ադրբեջանական ռազմավարական գործընկերության և փոխօգնության մասին պայմանագիրը, իսկ մարտի վերջին էլ Թուրքիայի նախագահ Աբդուլլահ Գյուլն իր ստորագրությամբ հաստատեց այն: