Դերասան Յուեն Մաքգրեգորը, որը «Աստղային պատերազմներ» ֆիլմում կատարել է Օբի-Վան Քենոբի դերը, նկարահանում է իր առաջին ֆիլմը, հաղորդում է Variety-ն: Նա կաշխատի Պուլիտցերյան մրցանակի դափնեկիր Ֆիլիպ Ռոտի «Ամերիկյան հովվերգություն» ստեղծագործության էկրանավորման վրա: Նշվում է, որ Մաքգրեգորը կփոխարինի ռեժիսոր Ֆիլիպ Նոյսին, որը հեռացել է նախագծից:
Հայտնի է, որ ֆիլմում կնկարահանվեն Ջենիֆեր Քոնելին և Դակոտա Ֆանինգը:
Գրքի սյուժեն պատմում է դպրոցական ատլետ Սեյմուր Շվեդ Լեյվոուի մասին: Հերոսը երջանիկ է. մի քանի տարի անց նա ամուսնանում է դպրոցի գեղեցկության թագուհու հետ և ժառանգում նրա հոր բիզնեսը: Սակայն ամեն ինչ փոխվում է, երբ նրա դուստրը Վիետնամի պատերազմի ժամանակ ահաբեկչական գործություն է իրականացնում:
Ֆիլմի նկարահանումները կսկսվեն 2015 թ. մարտին ամերիկյան Պիտսբուրգում:
