Ռաքքա քաղաքում սիրիացի կանանց ու երիտասարդ աղջիկներին բռնի կերպով կնության են տալիս ԴԱԻՇ ահաբեկչական խմբավորման գրոհայիններին։ Այս մասին հայտնում է The Independent-ը։
Համաձայն սիրիացի ակտիվիստների Raqqa is Being Slaughtered Silently (RBSS) խմբավորման՝ ԴԱԻՇ-ը փակում է համալսարաններն ու արգելում կանանց սովորելու համար այլ երկրներ ուղևորվել։ Աղջիկներին չի կարելի աշխատել, ճանապարհորդել և նույնիսկ փողոցով քայլել առանց տղամարդկանց ուղեկցության, այլապես նրանց կարող են բռնաբարել կամ սպանել։
Այսպիսով՝ կանայք ստիպված են ամուսնանալ, որպեսզի իրենց չհետապնդեն։ Ապագա կանանց հարկադիր ուղարկում են հատուկ «ուսուցման կենտրոններ», որտեղ նրանք Ղուրան են ուսումնասիրում և սովորում լավ տնտեսուհիներ լինել։
Ավելի վաղ հաղորդվել էր, որ գրոհայիններն ավելի քան 150 իրաքցի կանանց են սպանել իրենց հետ ինտիմ հարաբերությունների մեջ մտնելուց հրաժարվելու համար։
