«Հաջողություններ գրանցելու համար անհրաժեշտ է, որ իսկապես կառավարության գործունեության արդյունավետությունը շատ բարձր լինի և հարկավոր է ելնել հասարակ ցուցանիշներից, օրինակ, որ գյուղացին չի կարող իր հողը մշակել»,- այսօր հայտարարեց ԱԺ ԲՀԿ խմբակցության պատգամավոր, տնտեսական հարցերի մշտական հանձնաժողովի փոխնախագահ Վարդան Բոստանջյանը:
Հարցին, թե ադեկվա՞տ է արդյոք կառավարության վերաբերմունքը գյուղացու կողքին կանգնելու Սերժ Սարգսյանի հանձնարարականին։ Բանախոսը նշեց, թե կառավարությունը չպետք է միայն հիմա իմանար, որ նման խնդիրներ կան: «Ի՞նչ է, նոր իմացա՞ն բացասական միտումների մասին: Եվ կեցվածք են ընդունելը, թե իբր միանգամից գործընթաց է սկսվել: Առանց նախագահի այս ասածների էլ կարող էին չէ՞ զբաղվել: Չեն արել, նշանակում է կամ չեն կարողացել, կամ չեն ուզել: Իսկ եթե չեն ուզում անել, նշանակում է ուրիշ բան են ուզում անել»,- ասաց Վ. Բոստանջյանը:
