Մասնագետներն ուսումնասիրել են Հարավային Աֆրիկայի և Ավստրալիայի հյուսիսարևմտյան մասի լեռնային ապարների նմուշները և պարզել, որ կյանքը Երկրի վրա առաջացել է ավելի քան 3.2 մլրդ տարի առաջ՝ շատ ավելի վաղ, քան համարվում էր նախկիում։ Այս մասին հաղորդվում է Nature ամսագրի հրապարակման մեջ։
Գիտնականները հետազոտել են ափամերձ լեռնային ապարների 52 նմուշների քիմիական կազմը։ Այդ ապարները ձևավորվել են 2.75-3.2 մլրդ տարի առաջ։ Աշխատանքի արդյունքները ցույց են տվել, որ այդ դարաշրջանում մոլորակի վրա արդեն տեղի է ունեցել ազոտի մոլեկուլի վերականգնման և նախակորիզավոր միկրօրգանիզմների կողմից դրանք իրենց կենսազանգված ներառելու գործընթացը։ Դա նշանակում է, որ 3.2 մլրդ տարի առաջ Երկրի վրա արդեն գոյություն են ունեցել միկրոօրգանիզմներ, որոնք մթնոլորտ են արձակել ազոտի փոքր քանակություն։
Մասնագետները հաստատում են, որ իրենց աշխատանքի արդյունքներն ապացուցում են, որ միաբջիջ բակտերիաները օվկիանոսից դուրս են եկել և հիմնավորվել ափամերձ տիղմաշերտերում ավելի վաղ, քան ենթադրվում էր նախկինում։
