Ռուսական Forbes ամսագիրը ներկայացրել է 2013թ. Ռուսաստանի անշարժ գույքի թագավորներին, որում հայ գործարար «Տաշիր» ընկերությունների խմբի ղեկավար Սամվել Կարապետյանը զբաղեցրել է երրորդ հորիզոնականը:
Սամվել Կարապետյանի վարձակալությունից ստացված եկամուտը կազմել է 720 միլիոն դոլար: Խոշորագույն օբյեկտներն են՝ ՌԻՈ առևտրի և զվարճանքի կենտրոնը (300 000 ք.կմ) Դմիտրովի մայրուղում, «Երևան-Պլազա» առևտրի կենտրոնը (80 000 ք.կմ): Պարբերականը գրում է, որ Սամվել Կարապետյանն առաջին գումարները վաստակել է Հայաստանում, 1990-ական թթ. մեկնել է Կալուգա: Այժմ գործարարի «Տաշիր» ընկերությունների խումբը բազմապրոֆիլային ընկերություն է, որը զբաղվում է շինարարությամբ, մանրածախ առևտրով, հասարակական սնունդով և այլն:
Վարկանիշային աղյուսակում տեղ են գտել նաև հայ գործարարներ «Ռոստգոստրախ» բանկի համասեփականատեր Դանիլ Խաչատուրովը (25-րդ հորիզոնական՝ 80 միլիոն դոլար եկամուտով) և RD Group-ի սեփականատեր, Մոսկվայի անշարժ գույքի ամենաառեղվածային կերպարներից մեկը՝ Գագիկ Ադիբեկյանը՝ 70 միլիոն եվրո եկամուտով (26-րդ հորիզոնական):
Վարկանիշային աղյուսակում առաջատարությունը պահպանել են Գոդա Նիսանովը և Զարահ Իլիևը («Կիևսկայա պլոշչադ»), որոնց տարեկան եկամուտը գերազանցել է մեկ միլիարդ դոլարը:
Երկրորդ հորիզոնականում է հայտնվել IKEA խմբի սեփականատեր Ինգվար Կամպրադուն և նրա ընտանիքը (760 միլիոն դոլար):
Ընդհանուր առմամբ վարկանիշային աղյուսակում ներկայացվել է 30 անուն:
