Աշխարհի խոշորագույն Facebook սոցցանցի մաքուր եկամուտը, ըստ US GAAP-ի, 2012-ի ընթացքում նվազել է մինչև 53 մլն դոլարի (2011-ի 1 մլրդի համեմատությամբ),- ասված է ընկերության հաղորդագրության մեջ:
Facebook-ի տարեկան եկամուտը մեկ ակցիայի համար գնահատվել է 0.01 դոլար՝ մեկ տարի առաջվա 0.46 դոլար եկամտի դիմաց: 2012-ին սոցցանցի եկամուտն աճել է 37%ով՝ մինչև 5 մլրդ դոլար,- փոխանցում է RIA Novosti-ն:
Facebook-ի մաքուր եկամուտը 2012-ի չորրորդ եռամսյակում նվազել է 79%-ով՝ մինչև 64 մլն դոլար կամ 0.03 դոլար մեկ ակցիայի դիմաց: Սոցցանցի եռամսյակային շահույթը 2011-ի նույն ժամանակահատվածի համեմատությամբ ավելացել է 40%-ով՝ մինչև 1.59 մլրդ դոլար:
Եռամսյակային շահույթի մեծ մասը՝ մոտ 84%-ը, ստացվել է գովազդի հաշվին, մնացածը՝ միջնորդավճար վճարումներից և հավելվածներում ապրանքների վաճառքից:
Nasdaq-ի շուկայի փակման ժամանակ չորեքշաբթի օրը Facebook-ի ակցիաներն արժեցել են 31.24 դոլար՝ նախորդ օրվանից 1.5%-ով ավելի:
