Երեկ մամուլում դարձյալ հայտնվել է տեղեկություն այն մասին, որ Ուիթնի Հյուսթոնի դստեր՝ Բոբի Քրիստինա Բրաունի ազգականները կայացրել են աղջկան կենսապահովման սարքից անջատելու որոշում: Սակայն Քրիստոֆեր Բրաունի ընտանիքի փաստաբանը հերթական անգամ հերքել է կեղծ տեղեկությունը՝ հայտնում է spletnik.ru-ն:
«Բրաունների ընտանիքը ապշած է, թե որքան սեր ու մասնակցություն են ցուցաբերում մարդիկ: Մինչ այդ ժամանակ տպագիր պարբերականներում ու համացանցում շարունակում են հաղորդագրություններ հայտնվել այն մասին, թե որոշվել է Բոբի Քրիստինային անջատել կենսապահովման սարքից: Այդ տեղեկությունը աղաղակող սուտ է»,- հայտարարել է փաստաբանը՝ նշելով, որ նման հոդվածներ հրապարակած պարբերականները իրենց գործողությունների համար պատասխան կտան օրենքով:
Կեղծ հաղորդագրություններ էին տպագրել TMZ, The National Enquirer, The Daily Mail և The Atlanta Journal Constitution պարբերականները, որոնք հղում էին արել ոստիկանության աղբյուրներին:
