Բուլղար քրեական հեղինակություն Զլատոմիր Իվանովի (մականունը՝ Златко Беретка) վրա կրակ են բացել Սոֆիայում դատարան մտնելու պահին։ Այս մասին հաղորդում է Darik News-ը։
Անհայտ անձը տասը կրակոց է արձակել դատարանի դիմացի շենքի ձեղնահարկից։ Գնդակները կպել են քրեական հեղինակության վերջույթներին և որովայնին։ Նրան անհապաղ տարել են հիվանդանոց և վիրահատել։ Հաղորդվում է, որ նրա կյանքին վատանգ չի սպառնում։
Իվանովը ժամանակին աշխատել է ՆԳՆ-ում։ Առաջին ատյանի դատարանը նրան մեղավոր է ճանաչել հանցախմբի ձևավորման և թմրավաճռության մեջ։ Երեքշաբթի օրը, երբ տեղի ունեցավ մահափորձը, դատարանում պետք է քննվեր վճռի բոքարկումը։ Իվանովը կասկածվում է շատ հանցանքների, այդ թվում՝ գրող Գեորգի Ստևի սպանության մեջ։ Վերջինս մի շարք գրքեր է գրել բալկանյան կազմակերպված հանցագործությունների մասին։
