Իրանի պետական ԶԼՄ-ները հաղորդել են, որ ազատ են արձակվել վերջերս ձերբակալված լրագրողները։ Թեհրանի դատախազության կողմից մեղադրված լրագրողներն այսօր ազատ են արձակվել «Էվին» բանտից։ Այս մասին հաղորդում է MehrNews-ը։
Հունվարի 28-ին 11 լրագրողի ձերբակալել են՝ նրանց մեղադրելով ֆարսիով հեռարձակվող արտասահմանյան լրատվամիջոցների հետ համագործակցության մեջ։ Հատուկ ծառայությունները և իրավապահները այդ գործով հետաքննություն են անցկացնում։
Bultannews-ը հաղորդում է, որ լրագրողների նկատմամբ սպառնալիքներ են եղել, նրանց մեղադրել են արևմտյան ծառայություններին աջակցելու մեջ։ Ըստ կայքի՝ իրանալեզու BBC-ի և «Ամերիկայի ձայն»-ի լրագրողների հետ համագործակցողները կպատժվեն։
