Մեկ տարի ինտենսիվ թերապիա անցնելուց հետո հնդիկ ինտերսեքսուալը երկվորյակ է ունեցել, հաղորդում է Agence France-Presse-ը:
31-ամյա Մերաթհը դիմելով բժիշկներին պարզել է, որ նրա սեռական քրոմոսոմների 95 տոկոսը տղամարդկային են: Պարզվել է նաև, որ նա երբեք մենստրուացիա չի ուեցել և չզարգացած արգանդ ունի: Սակայն, չնայած ստացած ախտորոշումից հետո ապրած ցնցմանը, կինը որոշել է իր ամուսնուց երեխա ունենալ: Ամուսինը նույնպես հայտարարել է, որ ցանկացած դեպքում կնոջ հետ կմնա:
Սունիլ Ջինդալի ղեկավարած բժիշկների խումբը հորմոնալ բուժման կուրս է մշակել, որի օգնությամբ կնոջ արգանդը կարգավորվել է: Այնուհետև արհեստական բեղմնավորում են կատարել և արդեն իսկ բեղմնավորված ձվաբջջիջը տեղավորել են կնոջ արգանդում: Արդյունքում 2,24կգ կշռող տղա և 2,5կգ կշռող աղջիկ է ծնվել: «Կարծես տղամարդը երկվորյակ ծննդաբերած լինի»,- հայտարարել է Ջինդալը:
ՄԱԿ-ի Մարդու իրավունքների հարցերով գլխավոր հանձնակատարի վարչության բնութագրմամբ՝ ինտերսեքսուալություն նշանակում է մարդու մոտ վերարտադրողական օրգանների կամ քրոմոսոմների բնածին անոմալիա, որոնք չեն վերաբերում արական կամ իգական սեռի տիպիկ բնութագրմանը: Եթե երեխայի արտաքին սեռական օրգանները խառը կառուցվածք ունեն, նրա ներքին սեռական օրգանները կարող են ինչպես նորմալ, այնպես էլ պաթոլոգիական կառուցվածք ունենալ:
