Twitter համակարգի կողմից անցած շաբաթ թողարկված Vine տեսահամակարգի օգտատերերը սկսել են պոռնոգրաֆիկ բովանդակությամբ նյութեր տեղադրել դրանում, ինչի պատճառով հավելվածը կարող է ջնջվել Apple-ի App Store ինտերնետ խանութներից,- հաղորդում է RIA Novosti-ն:
Vine համակարգի օգտատերերը, որոնք կարող են ստեղծել վեց վայրկյան տևողությամբ տեսանյութեր, սկսել են միմյանց հետ կիսվել պոռնոգրաֆիկ կոնտենտներով: Գործակալության թղթակիցներին հաջողվել է գտնել նման տեսանյութ: Հաշիվներից մեկի նկարագրության մեջ նշվում է, որ այն պարունակում է մանկական պոռնոգրաֆիա:
App Store խանութների կանոնների համաձայն՝ հավելվածները չպետք է տարածեն պոռնոգրաֆիկ բովանդակությամբ նյութեր: Այսպիսով, Vine հավելվածը կարող է ջնջվել App Store-ի կողմից, որը դեռևս դրա տարածման միակ միջոցն է:
Vine-ը Apple iPhone-ի սմաթֆոնների օգնությամբ թույլ է տալիս ստեղծել 6 վայրկյան տևողությամբ տեսանյութեր և կիսվել ընկերների հետ: Այն ստեղծվել է 2012 թ. հունիսին երեք մշակողների կողմից: Twitter համակարգն այն ձեռք է բերել 2012 թ. հոկտեմբերին: Հավելվածը App Store խանութներում հայտնվել է անցած հինգշաբթի:
