Թուրքիայի հետախուզության ղեկավար Հաքան Ֆիդանը հրաժարական է տվել: Այս մասին հայտնում է թուրքական Anadolu գործակալությունը:
Ֆիդանը հրաժարական է տվել, որովհետև մտադիր է իր թեկնածությունն առաջադրել խորհրդարանական ընտրություններում, որոնք Թուրքիայում տեղի կունենան 2015թ. հունիսին:
Ֆիդանը թուրքական հետախուզության ղեկավարն էր 2010թ. մայիսի 25-ից:
Թուրքիայի օրենսդրության համաձայն՝ անձինք, ովքեր մտադիր են մասնակցել խորհրդարանական ընտրություններին, պետք է իրենց նախկին պաշտոնները լքեն մինչև փետրվարի 10-ը:
Ավելի վաղ հաղորդվում էր, թե սպասվում է, որ Թուրքիայի հետախուզության ղեկավար Հաքան Ֆիդանը հրաժարական կտա մինչև ընթացիկ տարվա փետրվարի 10-ը:
Հաքան Ֆիդանը Թուրքիայում Ֆեթուլլահ Գյուլենի (ԱՄՆ-ում բնակվող իսլամիստ հասարակական գործիչ) շարժման դեմ հիմնական պայքարողներից է:
2014 թ. փետրվարի 25-ին թուրքական ԶԼՄ-ները տեղեկություն էին տարածել, որ 2011 թվականին հակաահաբեկչական գործողության շրջանակում, որն անցկացվել է Ստամբուլի դատախազության կողմից Salam ահաբեկչական կազմակերպության դեմ, գաղտնալսվել են մոտ 7000 մարդկանց հեռախոսներ, ովքեր կապված են ինչպես իշխող, այնպես էլ ընդդիմադիր կուսակցությունների, նաև վարչապետի ընտանիքի անդամների հետ:
Դրանից հետո Էրդողանը մեղադրեց Գյուլենին, որ հենց նրա շարժման ներկայացուցիչներն են կանգնած հեռախոսազրույցների գաղտնալսման հետևում:
