Ռուսաստանի նախագահ Վլադիմիր Պուտինը կարող է ստուգել Արևմուտքի արձագանքն ու ներխուժել Բալթյան երկրներ։ Այս մասին հայտնել է ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը The Telegraph-ին տված հարցազրույցում։
«Հավանականությունը մեծ է, որ նա կներխուժի Բալթյան երկրներ՝ ստուգելու, թե ինչպես է գործում ՆԱՏՕ-ի պայմանագրի 4-րդ հոդվածը (վերաբերում է դաշինքի անդամների հավաքական պաշտպանությանը),- ասել է Ռասմուսենը:-Պուտինը ձգտում է վերականգնել Ռուսաստանի նախկին դիրքերը՝ որպես մեծ տերություն»։
Դաշինքի նախկին գլխավոր քարտուղարն ընդգծել է, որ ռուս նախագահը գիտի, որ եթե անցնի սահմանն ու բացահայտ հարձակվի ՆԱՏՕ-ի դաշնակցի վրա, ապա կպարտվի, սակայն նա հիբրիդային պատերազմների մասնագետ է։
Ռասմուսենի խոսքով՝ մտավախություն կա, որ Կրեմլը հակամարտություն կհրահրի Էստոնիայում և Լատվիայում, որտեղ կան ռուսախոս բնակիչների մեծ խմբեր։
