Իսպանիայի երկրորդ դիվիզիոնում կայացավ «Բարսելոնա Բ» – «Ռեալ Մադրիդ Կաստիլյա» հանդիպումը: Մինի Կլասիկոն մեծ հետաքրքրություն էր առաջացրել երկրպագուների շրջանում իսկական Կլասիկոյից ընդամենը երեք օր առաջ:
Խաղի հաշիվը բացեցին պատանի մադրիդիստները, սակայն երկրորդ կեսում առաջին պլան դուրս եկան «Բարսելոնա Բ»-ն ու մրցավարը: Նախ մրցավարը հեռացրեց «Ռեալ»-ի կիսապաշտպան Ալեքսին խաղացողների բախումից հետո, ինչից հետո կատալոնացիները երկու գոլ խփեցին:
Դրանից հետո մրցավարը նաև 11 մետրանոց նշանակեց, որն էլ «Բարսա»-ի խաղացողները օգտագործեցին խաղի վերջնական հաշիվը հաստատելու համար:
«Բարսելոնա Բ» – «Ռեալ Մադրիդ Կաստիլյա»՝ 3:1
Գոլերը՝ Արաուխո, 65՛, 70՛, Դելոֆեու, 79՛ – Մորատա, 34՛
Հեռացում՝ Ալեքս Ֆերնանդես, 57՛
