Վենեսուելայի նախագահ Ուգո Չավեսը հաղթահարել է շնչարգելության հետ կապված բարդությունը: Այդ մասին այսօր հաղորդել է Վենեսուելայի կապի և տեղեկատվության նախարար Էռնեստո Վիլեգասը, ով գտնվում է Չիլիում անցկացվող Լատինաամերիկյան և կարիբյան երկրների միության ու ԵՄ գագաթնաժողովին:
Ըստ նախարարի՝ ինֆեկցիան հաղթահարվել է, սակայն դեռևս պահպանվում են թոքային անբավարարվածության որոշ հետևանքներ, ինչը համապատասխան բուժում է պահանջում:
Ուգո Չավեսը անցած տարվա դեկտեմբերից չի հայտնվել հանրության առաջ: Նա Կուբայի հոսպիտալում չորրորդ վիրահատությանն է ենթարկվել:
Վիրահատությունը տևել է վեց ժամ և ընթացել բարդություններով:
