Լոնդոնի դատարանը վճիռ է կայացրել Anonymous հայտնի խմբի ցանցահենների դեմ, որոնք մասնակցել են Visa, MasterCard և PayPal վճարային համակարգերի վրա իրականացված հարձակումներին: Հարձակման պատճառն այն է, որ դրանք հրաժարվել են վճարումներ ընդունել WikiLeaks-ի համար, որը հրապարակել էր ԱՄՆ-ի պաշտպանության նախարարության գաղտնի տեղեկությունները, դիվանագիտական նամակագրության մանրամասներ և այլ գաղտնի նյութեր: Այս մասին հայտնում է RBK-ն:
Ամենամեծ պատժաժամկետը բաժին է հասել ուսանող Քրիս Ուեզերհեդին: Նա դատապարտվել է 1.5 տարվա ազատազրկման, 7 ամսվա ազատազրկման էլ դատապարտվել է Էշլի Ռոուդսը: Մյուս ամբաստանյալների դեմ պայմանական ժամկետներ են սահմանվել:
Հարձակումներն իրականացվել են 2010 թվականի դեկտեմբերին, երբ խոշոր վճարային համակարգերը հրաժարվեցին նվիրատվություն ընդունել հօգուտ սկանդալային պորտալի՝ կայքի բովանդակությունը ճանաչելով անօրինական:
