«Վիկիպեդիան» յուրօրինակ հանրագիտարան է, որը ազատորեն տարածված է համացանցում: Հոդվածները գրվում են աշխարհի շատ լեզուներով՝ կամավոր հեղինակների հավաքական աշխատանքի միջոցով՝ գրում է Calend-ը:
Նշվում է, որ այն ամենալիարժեք հանրագիտարանն է մարդկության պատմության մեջ: Երբ օգտատերն իր փնտրած տեղեկությունում սխալ է հայտնաբերում, կարող է սեղմել «խմբագրել» բառի վրա և ուղղել այն:
Ընդունված է «Վիկիպեդիայի» «նախածնող» համարել Նուպեդիան՝ հանրագիտարանի նախագիծ անգլերենով: Դրա հոդվածները գրել են գիտնականներ և ակադեմիական միջավայրի անձինք:
Հանրագիտարանի համալրումն արագացնելու համար 2001-ի հունվարի 15-ին Ուեյլիսը և Սենգերը բացել են «Վիկիպեդիա» կայքը: «Վիկիպեդիան» անվանումը ստացել է իր իրացման համար գործածվող «վիկի» տեխնոլոգիայի անունից, որը հավայան լեզվից թարգմանաբար նշանակում է «արագ»:
2001-ի մայիսին թողարկվեցին «Վիկիպեդիայի» լեզուների բաժինները՝ ռուսերեն, գերմաներեն, շվեդերեն, ֆրանսերեն, պորտուգալերեն, էսպերանտո, կատալոներեն, եբրայերեն, ճապոներեն, ավելի ուշ՝ արաբերեն և հունգարերեն: Այժմ այնտեղ առկա է մոտ 260 լեզվական բաժին: