Իտալական «Ինտեր»-ի գլխավոր մարզիչ Լեոնարդոն ՈՒԵՖԱ-ի պաշտոնական կայքի հետ զրույցում խոսել է Չեմպիոնների լիգայի քառորդ եզրափակիչում իրենց մրցակցի և հնարավորությունների մասին:
«Ես գիտեմ, որ բունդեսլիգայում «Շալկե»-ի գործերն այնքան էլ հաջող չեն ընթանում, փոխարենը` նրանք հրաշալի են հանդես գալիս Չեմպիոնների լիգայում: Գերմանացիները պատահական չեն հայտնվել քառորդ եզրափակիչում, և չի կարելի նրանց թերագնահատել: Անգամ մի քանի առաջատար խաղացողների բացակայության պայմաններում «Շալկե»-ն գերազանց խաղ է ցուցադրում Գերմանիայի գավաթի խաղարկությունում և հասել է մինչև եզրափակիչ:
Ռաուլը Եվրագավաթներում այդ թիմի հիմնական գործող անձն է: Նա միշտ չափազանց վտանգավոր է: Ռաուլը գերադասեց հեռանալ Մադրիդից, սակայն Գերմանիայում նույնպես կարողանում է իր խաղը թելադրել մրցակիցներին:
Մինչև քառորդ եզրափակիչ մեր անցած ճանապարհը հույս է ներշնչում, և ապացույցն է այն բանի, որ երբեք չի կարելի հանձնվել: Հենց այդ կերպ էլ մենք մտադիր ենք շարունակել` անկախ շաբաթօրյա դերբիում կրած պարտությունից: Այո, Չեմպիոնների լիգայում ես դեռ երբեք չեմ հաղթել սեփական հարկի տակ, բայց դրա վրա չի կարելի կենտրոնանալ»: