Այսօր Լիբիայի ապստամբները կվաճառեն նավթի առաջին խմբաքանակը: Ինչպես գրում է The Financial Times-ը, նրանց վերահսկողության տակ գտնվող տերմինալներից մեկում կա մոտ 3 մլն բարել նավթ, որի ընդհանուր արժողությունն է 375 մլն դոլար:
Equator լցանավը, որը նախօրեին դուրս է եկել եգիպտական Պորտ Սայիդ նավահանգստից, այսօր կժամանաի ապստամբների վերահսկողության տակ գտնվող Թոբրուք քաղաք, որտեղ այն կբեռնեն նավթով: Լցանավը, որը կարող է տեղափոխել մինչև 1 մլն բարել նավթ (125 մլն դոլար), պատկանում է հունական Dynacom ընկերությանը։
Անցած շաբաթ Քաթարն առաջարկել էր ապստամբներին գնել այդ նավթ: Ենթադրվում է, որ ապստամբներն այդ գումարով կգնեն զենք և զինամթերք: Ավելի վաղ Միացյալ Նահանգների իշխանությունները հայտարարել էին, որ ապստամբների կողմից նավթի վաճառքը չի ենթարկվում արտահանման համար սահմանված պատժամիջոցներին, որոնք միջազգային հանրությունը կիրառել է Քադաֆիի ռեժիմի դեմ:
