Վրաստանի խորհրդարանի իրավաբական հարցերով կոմիտեի նախագահ Վախթանգ Խմալաձեն դեմ է նախագահի համաժողովրդական ընտրություններին, հաղորդում է ադրբեջանական Trend գործակալությունը:
Նրա խոսքերով՝ խորհրդարանում նախատեսվում է լուրջ սահմանադրական փոփոխություններ իրականացնել խորհրդարանի, նախագահի և կառավարության վերաբերյալ:
Փոփոխություններից մեկը վերաբերում է երկրի նախագահին ընտրելու գործընթացին: Խորհրդարանական հանրապետության դեպքում նախագահը գործադիր իշխանության կրող չէ և չի միջամտում կառավարության գործունեությանը:
Խմալաձեի խոսքերով՝ այդ պաշտոնն ունի ավելի շատ դատավորի գործառույթ և նախագահը հիմնականում մասնակցում է ոչ կառուցվածքային կառույցների ձևավորմանը:
Խմալաձեն նշել է, որ Եվրոպայի երկրներում, հազվադեպ բացառություններով, նախագահն ընտրվում է ոչ թե քաղաքացիների ուղիղ քվերակության միջոցով, այլ խորհրդարանի կամ ընտրողների կոլեգիայի կողմից, որը բաղկացած է խորհրդարանի անդամներից և այլ ներկայացուցիչ մարմինների պատվիրակներից:
Պատգամավորը, սակայն, չի նշել է, թե 2013թ. աշնանը ինչ ճանապարհով է ընտրվելու Վրաստանի նախագահը:
Նշենք, որ Վրաստանի վարչապետ Բիձինա Իվանաշվիլին Վախթանգ Խմալաձեին համարում է հավանական թեկնածու Վրաստանի նախագահի պաշտոնի համար:
