Հայ Ազգային Կոնգրեսի ներկայացուցիչ, տնտեսագետ Վահագն Խաչատրյանը, անդրադառնալով «Տաշիր-2011» մրցանակաբաշխությանը և ռուսներին ունեցած մեր պարտքերին, նշեց, որ այս ամենի արդյունքում հայտնվելու ենք ամերիկյան մրցանակաբաշխության իրավիճակում, երբ այնտեղի մրցանակաբաշխություններից հետո Քըրք Քրքորյանը հայերին օգնելու ֆինանսավորումը դադարեցրեց։ «Եթե նախկինում հնարավություն ունեինք Ռուսաստանից օգնություն ստանալու, ապա հետայսու կզրկվենք դրանից։
Նման մրցանակներ շռայլելով միգուցե նրանց թվում էր լավ գործ են անում, բայց իրականում հակառան է ստացվում։ Իսկ այստեղ արդեն իրենց մակարդակն ու մտածողությունն է ի հատ գալիս։ Նրա խոսքերով, տարօրինակ է, որ «Տաշիր» անվանումը կրող մրցանակաբաշխությունը տեղի է ունենում Մոսկվայում և, ոչ թե Տաշիրում։ «Դա իր հերթին խոսում է այդ մարդկանց, այդ կազմակերպիչների մասին։ Իրենք դրանով ցանկանում են Ռուսաստանում ռուսների աչքին լավ երևալ, բայց այստեղ կազմակերպիչները ստորանում են ռուսների և իրենց շրջապատի առջև։
Օրինակ, «Յուրմալան» Յուրմալայում է, «Սուրխուտ»-ը` Սուրխուտում։ Այսինքն, Տաշիրը պետք է անցկացվեր Տաշիրում: եթե Տաշիրում անցկացվեր և իսկապես փորձեին Տաշիրը մշակութային կենտրոն դարձնել այդպիսի մրցույթներով, դա արդեն կարելի էր գնահատել։ Իսկ սա ցուցամոլություն է, և սա նրա մասին է խոսում, որ այդ մարդիկ իրենց լիարժեք չեն զգում նույնիսկ հարուստ լինելով։ Մեր պայքարը նաև դրա համար է, որ մեր երկում և՛ հարուստը և՛ աղքատը իրենց լիարժեք քաղաքացիներ զգան։ Ստացվում է, որ մեզ մոտ աղքատին չեն թողնում իր սեփական երկրում ազատ զգալ, իսկ հարուստները ովքեր դրսում են, այնտեղ էլ իրենք են իրենց որպես ստրուկ զգում»,-եզրափակեց Վահագն Խաչատրյանը։
