Facebook սոցիալական ցանցը սկսել է զարգացնել կայքի հեռախոսների համար նախատեսված տարբերակը, որը տեղակայված կլինի m.facebook.com կայքում: Մասնագետները նշում են, որ այս տարբերակն ավելի հեշտացրել է հեռախոսներից Facebook մտնելու հանրավորությունը:
Ինչպես All Things Digital-ին ասել է Facebook-ի բջջային ստորաբաժանման ղեկավար Էրիկ Ձենը` այս պահին ամեն օր բջջային հեռախոսներից Facebook է մտնում 250 մլն մարդ, այնինչ անցած տարի նույն ժամանակահատվածում այդ թիվը կազմել է ընդամենը 100 մլն: Ընդ որում շատերը ՖԲ են մտնում անմիջապես, այլ ոչ թե այլ հավելվածների միջոցով:
Էրիկ Ձենը նշել է նաև, որ touch.facebook.com և m.facebook.com կայքերը կմիավորվեն մեկ` m.facebook.com անվան տակ: Դրանցից առաջինը նախատեսված էր սենսորային էկրաններով հեռախոսների համար, իսկ երկրորդը` սովորական բջջային հեռախոսների համար: Ընդ որում, այդ միավորումը կլինի առաջիկա մեկ շաբաթների ընթացքում:
Վերջերս Facebook-ը գնել է իսրայելական Snaptu ընկերությունը, որի տեխնոլոգիաները հնարավորություն են տալիս աշխատելու միանգամից 2,500 բջջային սարքերի հետ: Իսկ սա նշանակում է, որ շուտով Facebook-ն արդեն հասանելի կլինի սմարթֆոններ չունեցող միլիոնավոր օգտատերերի համար:
