Բարաք Օբամայի դուստրերը հիացած են հոր երդման արարողությունից, որը տեղի ունեցավ կիրակի օրը` Սպիտակ տան Կապույտ սենյակում:
«Ես այնքան երջանիկ եմ, ուռա՛»,- բացականչել է 14-ամյա Մալիան: «Հիանալի աշխատանք է, հայրի՛կ»,-գովաբանել է հորը 11-ամյա Սաշան և առանց հեգնանքի ավելացրել. «Դու ոչինչ չփչացրեցիր»:
Սպիտակ տանը տեղի ունեցած այս արարողությանը ներկա էին միայն նախագահին ամենամտերիմ մարդիկ՝ նրա կինը՝ Միշելը, աղջիկները, զոքանչը, ինչպես նաև Մալիայի կնքամայրը՝ ամուսնու հետ:
Արարողությունը լուսաբանում էին ոչ մեծ թվով լրագրողներ` հաղորդում է «Իտառ-Տասսը»: