ԱԺ ՀՀԿ խմբակցության պատգամավոր Համլետ Հարությունյանը, ամփոփելով 2014-ը, նշեց, որ ամենակարևորն իր համար խաղաղությունն է:
«Ամենամեծ ձեռքբերումն այն է, որ ևս մեկ խաղաղ տարի անցկացրինք, չնայած որոշակի ողբերգական դեպքեր կատարվեցին՝ կապված ուղղաթիռի խոցման հետ, բայց ընդհանուր առմամբ մենք պահպանեցինք խաղաղություն»,-հավելեց պատգամավորը:
Նա որպես տարվա կարևորագույն ձեռքբերում նշեց Հայաստանի՝ ԵՏՄ-ին անդամակցությունը, որը կատարվեց Հայաստանի քաղաքական ուժերի համաձայնության պայմաններում, ինչը նշանակում է, որ իշխող կուսակցության ձեռնարկած քայլն ընդունվել է նաև մյուս քաղաքական ուժերի կողմից:
«Ունենք նաև բացթողումներ, որոնք ունեն և սուբյեկտիվ, և օբյեկտիվ պատճառներ՝ կապված համաշխարհային տնտեսական ճգնաժամի, Ուկրաինայում տեղի ունեցող պատերազմի հետ, և ամենակարևորը Ռուսաստանի դեմ ԵՄ-ի և Ամերիկայի պատժամիջոցներն էին, որոնց հետևանքով նավթի համաշխարհային գներն ընկել են»,- հավելեց Համլետ Հարությունյանը:
Ավելին՝ տեսանյութում: