Մայքլ Ջեքսոնի ստեղծագործական կյանքով ներշնչված շոուն դարձել է կանադական կրկեսի ոչ սովորական ներկայացումը: Չնայած Cirque du Soleil-ի՝ նման շոուներ կազմակերպելու գործում ունեցած հարուստ փորձին՝ նրանք ռոք-շոուի ձևաչափով ընդամենը մի քանի համերգներ են տալիս այս կամ այն քաղաքում:
Միայն այդ եղանակով է հնարավոր մարդկանց սրտերը լցնել այն զգացողություններով, որոնք նրանք ապրում էին հռչակավոր երաժշտի կենդանի կատարումների ժամանակ: Պարերի, երաժշտության և ակրոբատիկ հնարքների շնորհիվ ներկաները մխրճվում են երգչի ստեղծագործական կյանք: Ներկայացման հիմնական վայր ընտրվել է Neverland ռանչոն:
Նախագծի նախապատրաստական աշխատանքներին մասնակցել են, նրանք, ովքեր անմիջականորեն աշխատել են շոուի գլխավոր հերոսի` Մայքլ Ջեքսոնի հետ. Ջեքսոնի ռեժիսոր Ջեյմի Քինգը, ով 1992-94 թթ. Dangerous-ի հիմնական պարողներից էր, երաժշտական տնօրեն Գրեգ Ֆիլինգեյնսը, ով երգչի ալբոմների մեծ մասի վրա է աշխատել, ներառյալ նրա վերջին` «Մայքլ» անվանմամբ ալբոմի վրա:
Հագուստների ստեղծմամբ զբաղվել է նյույորքյան հայտնի մոդելավորող Զալդի Գոկոն, ով զբաղվել է This Is It շոուի հագուստներով: Մասնակցել են նաև 2 բալետմեյստերներ, որոնք ևս փոփ արքայի երաժշտական խմբի անդամ են եղել: Եվ վերջապես, երաժիշտների կազմում է թմբկահար Ջոնաթան Մոֆֆեթթը, ով Ջեքսոնի հետ աշխատել է 30 տարի:
Մի խոսքով՝ շոուի ժամանակ բոլորը կլինեն, բացի փոփ արքայից:
