Elle-ը ներկայացնում է նորաձևության աշխարհի գլխավոր իրադարձությունները, որոնց անհամբերությամբ կսպասենք արդեն գալիք՝ 2015 թվականին:
2015թ. գլխավոր թափուր աշխատատեղերը
Տարեվերջին առանց ստեղծագործական տնօրենի մնաց Gucci նորաձևության տունը, որը 12 տարվա աշխատանքից հետո լքեց Ֆրիդա Ջանինին: Ամբողջ fashion-աշխարհը սպասման մեջ է: Գլխավոր հավակնորդների թվում են Էդի Սլիմանը՝ Saint Laurent-ից, Ռիկարդո Տիշին՝ Givenchy-ից, և Թոմաս Մայերը՝ Bottega Veneta-ից:
Բացի այդ՝ ժամանակավորապես առանց կապիտանների են մնացել Carven ու Schiaparelli բրենդների թիմերը:
2015թ. գլխավոր պրեմիերաները
Որոշ բրենդներ, հակառակը, 2014թ. տարեվերջին ունեցան նոր ղեկավարներ: Արդեն հունվարին տեղի կունենա ամենասպասվասծ պրեմիերան՝ մեծ նորաձևություն կվերադառնա Ջոն Գալյանոն, որը նշանակվել է Maison Martin Margiela-ի ստեղծագործական տնօրեն: Նա կներկայացնի իր հավաքածուն Փարիզի բարձր նորաձևության շաբաթում:
Բացի այդ՝ Պիտեր Կոպինգը, ում Օսկար դե լա Ռենտան այս տարվա հոկտեմբերին նշանակել է իր իրավահավասար գործընկերը կանանց հավաքածուների ստեղծման մեջ, իր վրա է վերցրել նորաձևության տան լիակատար ղեկավարումը:
2015թ. նոր դեմքերը
2014թ. պոդիումում ու նկարահանման հրապարակներում իշխում էին 2 հայտնի քույրերը՝ Քենդալ Ջենները (Քիմ Քարդաշյանի քույրը) և Լոտտի Մոսը (Քեյթ Մոսի քույրը: Փորձագետները կարծում են, որ նկատվող միտումը կշարունակվի նաև 2015-ին: fashion-գագաթները կնվաճեն Օլիմպիա Քեմփբլն ու Իմմի Ուոթերհաուսը:
Անդրադարձ 70-ականներին ու 90-ականներին
2014թ. դիզայներները հիմնականում անդրադարձել էին 1960-ականների ու 1990-ականների ոճերին:
Red-carpet-2015-ի դիզայներ
Elie Saab, Gucci, Louis Vuitton, Valentino. հենց այս նորաձևության տների զգեստներն էին ընտրել աստղերը վերջին 12 ամիսներին կարմիր գորգի վրա հայտնվելու համար:
2015թ. տարվա գույնը
Էլեկտրիկ կապույտը 2014թ. ամենահայտնի գույնն էր, իսկ 2015-ին այն կվերափոխվի ավելի նուրբ ու ռոմանտիկ գույնի՝ պաստելային երկնագույնի:
